Во руските напади врз северна и централна Украина загинаа две лица, а повеќе од 20 беа повредени, соопштија регионалните власти. Во областа околу градот Полтава, од паѓање на остатоци од беспилотни летала загина едно лице, беа повредени три лица и беше оштетен облакодер, изјави регионалниот гувернер Виталиј Дјакивнич на Телеграм.
Во соседниот регион Дњепропетровск, од напади со беспилотни летала и артилерија загина едно лице во близина на градот Никопол, беа повредени две лица во самиот град и вкупно 12 во регионот, изјави гувернерот Олександр Ганжа на Телеграм.
Руските сили, исто така, извршија два напади врз регионот Суми во близина на границата со Русија, при што беа повредени 13 лица, вклучувајќи и шестгодишно дете, изјави регионалниот гувернер Олех Хрихоров. Оштетени се 15 куќи.
Високи руски воени претставници изјавија дека нивните сили се фокусирани на воспоставување таканаречена тампон зона во регионот Суми и соседниот регион Харков на североисток. Ројтерс не можеше независно да ги потврди обвинувањата.
