Изгледа дека актерот Орландо Блум продолжил понатаму по раскинувањето на долгогодишната врска со пејачката Кејти Пери, со која ја има ќерката Дејзи.
Како што пишува списанието „The Sun“, 49-годишниот актер е во врска со 28-годишната манекенка Луиса Лемел. Неодамна тие уживале во краток одмор во Швајцарија, а за време на патувањето актерот запознал некои од пријателите и членовите на семејството на Луиса.
Парот престојувал во луксузен апартман во „Долдер Гранд“ во Цирих, каде што ноќевање може да чини и до 16.000 долари.
Подоцна, како што тврдат изворите, викендот го поминале во петѕвездениот ресорт „Биргеншток“ на Луцернското Езеро.
„Орландо и Луиса тивко се гледаат веќе неколку месеци. Станаа вистинска мала семејна заедница, а Орландо дури го поведе и своето мало куче на патувањето. Тој живее во Лос Анџелес, додека таа е во Њујорк, па не можат постојано да се гледаат, но непрестајно се во контакт и меѓу нив навистина има искра“, изјавил извор за „The Sun“.
Овој пар медиумите почнаа да го поврзуваат минатиот месец, кога биле видени како заедно си заминуваат од Суперболот, држејќи се за рака.
Еден сведок рекол дека тој ден изгледале многу блиски. На стадионот заедно уживале во друштво на славните пријатели на Орландо, меѓу кои бил и актерот Џејми Фокс.
