Полската олимписка натпреварувачка Камила Селие (25) нема да ги памети во најубаво светло Игрите во Италија, бидејќи од нив директно завршила во болница. Несреќата се случила кога за време на трка била погодена со лизгалка во лицето, по што следувала итна операција. Неколку недели подоцна, таа повторно се појави во јавноста и гордо го покажа белегот кој засекогаш ќе ја потсетува на големото натпреварување.
Камила досега сподели неколку фотографии, а неодамна гостуваше и во телевизиска емисија. Невозможно беше да не се забележи лузната на левата страна од лицето, со што за првпат јавно ја покажа последицата од несреќата. До сега Полјачката ја криеше раната која постепено заздравуваше, а сега е подготвена да ја покаже „спомената“ што ќе ја следи цел живот.
Камила се повреди во четвртфиналната трка на 1.500 метри, кога дојде до судир меѓу натпреварувачките. Таа паднала и притоа добила силен удар и расекотина на лицето. Среќна околност е што избегнала уште потешка повреда, со оглед на тоа што ударот бил веднаш под окото. Полјачката веднаш била оперирана, а зафатот поминал успешно.
„Знам дека еден ден ќе ја погледнам оваа фотографија и ќе се сетам дека сум посилна отколку што некогаш сум верувала“, напиша таа во објава на „Instagram“, додавајќи: „Ви благодарам за сите зборови на поддршка, сакав само да ви кажам дека сум сосема добро“, стои во описот покрај фотографијата по операцијата.
