Најзелените градови во светот:

🌿Осло;
🌿Вилнус;
🌿Хелсинки;
🌿Виена;
🌿Канбера;
🌿Сиднеј;
🌿Стокхолм;
🌿Сингапур;
🌿Рединг;
🌿Минхен.

Во Осло, 95% од луѓето живеат во близина на парк или друг зелен простор

Норвешкиот главен град го освои првото место со импресивни 77,3 од 100 поени. Анкета на „Иглу“ покажа дека 95% од над 724.000 жители на Осло живеат на растојание од 300 метри од парк или друг зелен простор.

Градот се издвојува и по својот исклучителен квалитет на воздухот и уникатниот проект „пчелин автопат“, започнат во 2015 година за заштита на загрозените популации на пчели. Иницијативата вклучува создавање патеки обрабени со цвеќиња и градини на зелените покриви.

Осло е дом и на таканаречени „џебни“ паркови, мали зелени оази создадени на местата на поранешни паркинзи.

Вилнус е на второто место

Второто место во анкетата го зазеде Вилнус во Литванија со вкупен резултат од 72,3. Литванскиот главен град претходно беше прогласен за Европски зелен главен град за 2025 година поради проширувањето на зелениот јавен превоз и отворените простори. Хелсинки во Финска се најде на третото место, по што следуваа Виена на четвртото место и Канбера во Австралија на петтото место. Друг австралиски град, Сиднеј, се најде на шестото место, а првите десет ги заокружија Стокхолм, Сингапур, Рединг и Минхен.

Хајлброн прогласен за европска зелена престолнина

Неодамна беа истакнати и други градови кои се водечки во одржливоста. Хајлброн, град во југозападна Германија, е прогласен за Европски зелен главен град. Одлуката беше објавена на церемонија во Вилнус, кој ја носи титулата за 2025 година.

Хајлброн ја доби наградата со високи оценки за квалитетот на воздухот и водата, адаптацијата кон климатските промени и циркуларната економија, што го демонстрираше преку својот „План за пејзаж 2030“ и „Концепт за мобилност“. Покрај тоа, наградите „Европски зелен лист“, наменети за помали градови, им беа доделени на Асен во Холандија и Сиена во Италија.