Последните неколку години големиот НБА Ол-стар спектакл стана едно обично клише, односно натпревар кој големите кошаркарси ѕвезди не го сфаќаат воопшто сериозно.
НБА лигата како асоцијација се обиде да го промени форматот и воведе неколку промени за да го зголеми натпреварувачкиот дух, а во период кога јавноста се подготвува за Ол-стар мечот кој се игра претстојниов викенд во Лос Анџелес.
Кевин Дурент како еден од најискусните на случувањето ова утро доби едно скокотливо прашање за тоа дали планира да го даде максимумот, па ѕвездата на Хјустон се нафрли на играчите од светот, или поточно на Лука Дончиќ и Никола Јокиќ кои според него овој настан не го сфаќаат воопшто сериозно.
– Дали ќе го дадам максимумот? Тоа треба да ги прашате играчите од Европа и членовите на тимот од светот. Треба да ги прашате дали сакаат да се натпреваруваат. Погледнете ги Лука Дончиќ и Никола Јокиќ, погледнете како се однесуваат на Ол-старот, сами заклучето дали тоа е натпреварување.
– Никогаш не ги прашувате што прават они, но затоа ги прашувате „старите глави“ од Америка. Јокиќ и Дончиќ изгледаат како играчи кои воопшто не се заинтересирани за кошарка на Ол-старот. Лежат на подот, шутираат од пола терен, а потоа вие се грижите дали поискусните играчи ќе одиграат сериозно и жестоко. Ве читам меѓу редови, но морав да го кажам ова, – порача Дурент.
Fun moment w/Kevin Durant postgame. I asked if his self-proclaimed “Old Heads” team will play hard in All-Star Game.
— Michael Shapiro (@mshap2) February 12, 2026
KD says he can “read between the lines.”
“You should ask the Europeans + the World Team if they want to compete. Look at Luka Doncic + Nikola Jokic, let's go… https://t.co/bCpLobUUFE pic.twitter.com/xUuU8AEeVQ
