Институтот за вселенска медицина и физиологија (Медес) во Тулуз бара 10 здрави мажи за студија која симулира бестежинска состојба во вселената, а од волонтерите се бара да лежат 10 дена за надоместок од 5.000 евра.
Избраните волонтери ќе поминат 10 дена во благонаклонета положба, практично приковани за кревет, со внесување само 250 калории дневно, пренесе порталот „БФМ ТВ“.
За учеството сите волонтери ќе добиjат 5.000 евра.
Кандидатите мора да бидат мажи на возраст помеѓу 20 и 40 години, кои се занимаваат со спорт и се во совршена здравствена состојба.
„Експериментот е планиран за јуни и неговата цел е да го испита влијанието на нулта гравитацијата врз човечкиот метаболизам и исхрана, што е клучно за идни подолги вселенски мисии“, истакна раководителката на проектот Амандин Фабр.
Институтот веќе примил бројни апликации, вклучувајќи и од поранешни учесници.
Еден од нив е Еван, кој во 2023 година учествувал во сличен експеримент во чии рамки поминал 60 денови во кревет и за тоа добил 18.000 евра.
„Првите неколку часови телото се приспособува побавно, но потоа многу брзо сфаќате како телото се привикнува“, изјави Еван за „БМФ ТВ“.
Студијата во Тулуз е дел од пошироко истражување за физиолошките предизвици што луѓето можат да ги доживеат за време на долгиот престој во вселената.
