Американскиот уметнички лизгач Илија Малинин продолжи да ги поместува границите на Зимските олимписки игри во Милано и Кортина, изведувајќи салто со една нога за време на слободната програма.
Историскиот настап на Малинин му помогна на американскиот тим да го освои златниот медал, а неговиот настап бил оценет со 200,03 поени.
Американскиот тим го заврши натпреварувањето со 69 поени, само еден поен пред Јапонија, а водството на Малинин беше очигледно клучно за американскиот тим да ја обезбеди одбраната на златниот медал што го освои во Пекинг.
Италија го освои бронзениот медал со 60 поени по слободното лизгање на Матео Рицо, кој го заврши својот настап со втрчување и лизгање на колена кон своите соиграчи.
Инаку, Малинин со своето салто на една нога стана првиот лизгач кому тоа му успеало по француската лизгачка Сурија Бонали на Игрите во Нагано во 1998 година (чиешто салто било класифицирано како нелегално во тоа време и таа потоа била казнета), а Малинин ги воодушевил и српскиот тенисер Новак Ѓоковиќ и неговата сопруга, кои го следеле неговиот настап од трибините.
Потсетуваме, Меѓународната лизгачка организација (ISU) ја укинала забраната за салто дури во 2024 година, што било нелегално откако Американецот Тери Кубицка првпат го извел на Игрите во Инсбрук во 1976 година.
