Хуманоидните роботи на кинеската компанија „LymX Dynamics“ демонстрираа самостојна активација по пристигнувањето на локацијата, без помош од луѓе и без класично адаптирање.
Замислете фабрика во која хуманоидните роботи сами се „активираат“ веднаш по пристигнувањето. Без човечка помош и без рачно конфигурирање. Компанијата „LimX Dynamics“ токму тоа го демонстрираше и за првпат го прикажа во пракса.
Компанијата со седиште во Шенжен објави видео на кое се гледаат 18 хуманоидни роботи „Oli“ како автономно излегуваат од транспортни сандаци, се движат во формација и изведуваат координирана рутина – без никаква човечка интервенција.
Ваквото сценарио јасно покажува како хуманоидните роботи би можеле да се користат во идните производствени погони. Идејата е роботите да не бараат класично поставување, туку по испораката веднаш да можат да започнат со работа.
Минатата недела „LimX Dynamics“ го претстави „LimX COSA“, оперативен систем наменет за хуманоидни роботи. Овој софтвер овозможува автономна перцепција на околината, расудување и движење во реални услови.
Во прикажаното видео, 18-те роботи „Oli“ се сместени во стандардни транспортни сандаци. По нивното отворање, роботите стануваат, излегуваат и се движат напред во усогласена формација, без каква било човечка асистенција.
Според наводите на компанијата, „COSA“ функционира како единствен софтверски рамка за управување со повеќе роботи истовремено. Системот овозможува донесување одлуки, планирање на движења и колективно управување со целиот тим хуманоиди.
За разлика од класичните роботски системи, „COSA“ не го одделува „размислувањето“ од движењето. Заклучувањето на високо ниво е директно поврзано со моторната контрола, што овозможува речиси истовремено планирање и извршување на движењата.
Системот поседува и меморија, па роботите можат да паметат претходно забележани околини и објекти. Ова им овозможува со текот на времето да се прилагодуваат и поефикасно да функционираат во познати простори.
За време на физички задачи, како искачување по скали, хуманоидниот робот „Oli“ се потпира на вградените сензори. Тие во реално време испраќаат податоци до „COSA“, која веднаш ја приспособува рамнотежата, држењето и чекорот во согласност со промените во околината.
