Во последните денови корисниците на „Reddit“ и другите социјални мрежи се интригирани од карта на Европа која, според тврдењата, покажува просечно време на будење на луѓето по земји.
Детаљ кој веднаш привлекува внимание е „црнилото“ со кое се означени Србија, БиХ, Црна Гора, Македонија и Словенија, со натпис „Нема податоци“.
„Ова е апсолутно апсурдно“
Единствената држава од поранешна Југославија со објавена бројка е Хрватска, со просечно време на будење во 7:33 часот.
Картата предизвика голем интерес кај корисниците и жестока расправа, а многумина истакнаа дека податоците „немаат смисла“ ако не се земени предвид – или не се почитувале – временските зони.
Morning Wake Up Time of Europeans Average Time
byu/AdIcy4323 inMapPorn
Од друга страна, некои корисници не биле задоволни од просекот. Така, корисник од Германија напишал: „7:25 звучи прилично доцна. Повеќето луѓе работат од осум наутро, кога започнува и наставата во училиштата. Би рекол дека просекот на будење е 6:25.“
Потоа се надоврзал корисник од Норвешка: „7:43 звучи апсолутно апсурдно. Предоцна.“
Статистиката предизвикала интерес
Кога станува збор за земјите од поранешна СФРЈ, најчесто се споменува Црна Гора. Една личност напишала: „Нема податоци, затоа што не се станува рано наутро“, а наскоро пристигнал одговор: „Како лице од Црна Гора, можам да потврдам.“
Колку се точни наведените податоци и со која методологија се дојдени до нив – останува непознато. Сепак, едно е сигурно: најобичната статистика сè уште предизвикува интерес и сериозни расправи.
