Нашите стари велеле дека пилешката супа е лек за бројни болести. Таа содржи бројни витамини и минерали, го хидрира телото, ги надополнува електролитите изгубени со потење, ги ублажува воспалителните процеси во телото, го олеснува дишењето и позитивно делува врз човечкиот организам.

Денес ви носиме рецепт за пилешка супа збогатена со неколку дополнителни состојки – свежа пиперка полна со витамин Ц, брокула, но и малку варен грав кој ѝ додава потребна доза диетални влакна.

Пилешка супа со брокула и грав – состојки:

• 3-4 пилешки гради;

• 3-4 стапки целер;

• 2 л пилешки бујон;

• 2 големи моркови;

• 1 помала глава брокула;

• 1 голем кромид;

• 1 пиперка;

• 1 конзерва бел грав;

• ½ кафена лажичка меленa куркума;

• растително масло;

• сол и бибер по вкус.

Пилешка супа со брокула и грав – подготовка:

1. Во голем сад загрејте малку растително масло и испржете ги пилешките гради – околу три до четири минути од секоја страна додека не добијат убава златно-кафена боја. Извадете ги од садот.

2. На останатата маснотија пропржете сечкан кромид, целер, морков и црвена пиперка. Похранете го зеленчукот на тивка температура околу пет минути.

3. Долете го пилешкиот бујон, зачинете со куркума, сол и бибер. Додадете го и исцедениот варен грав од конзервата. Кога супата ќе зоврие, вратете го во садот сечканото пилешко и цветови брокула, па гответе уште 20-25 минути.

4. Послужете топло.

Добар апетит!