Бадниковата вечер е предвидена за мал одмор во НБА лигата, но затоа денеска ќе се играат неколку натпревари за време на Божиќ и фановите ќе можат да уживаат во три натпревари.
Големиот празник носи посебна еуфорија и во САД, меѓутоа во период кога не се игра кошарка, „ЕСПН“ реши да направи една интересна анализа поврзана за најпопуларните играчи во НБА лигата.
Според податоците извлечени од прегледите на социјалните мрежи, Лука Дончиќ е убедливо најпопуларен играч во НБА лигата, или во превод, неговите видеа кои се објавени на социјалните мрежи се двојно повеќе гледани од оние на Никола Јокиќ.
Навивачите најмногу уживаат во видеата кои се посветени на словенечкиот суперстар, а анализата на „ЕСПН“ открива дека неговите материјали собрале 845 милиони прегледи од стартот на сезоната, што е убедливо најмногу во САД.
Втор на листата е Виктор Вембењама со 708 милиони прегледи, следи Стеф Кари со 703 милиони прегледи, а на четврто место е ЛеБрон Џејмс со 641 милион прегледи. Шеј Гилџес Александер како МВП е петти со 496 милиони прегледи, додека Никола Јокиќ е шести со 445 милиони прегледи.
Во топ десет се уште Остин Ривс, Кевин Дурент, Купер Флег и Јанис Адетокумбо.
Luka Dončić, Victor Wembanyama and Stephen Curry top the NBA’s list of most-viewed players on social media thus far this season: pic.twitter.com/E3QSiX8rXI
— Marc Stein (@TheSteinLine) December 23, 2025
