„Еден дел на белградскиот аеродром „Никола Тесла“ е резервиран за домашни специјалитети – и додека на странците кои во последен момент купуваат сувенири можеби тоа нема да им изгледа чудно, секој што живее во Србија таму ќе го дочекаат шокови.
Прво, добар дел од производите нема да ги видите во нашите редовни продавници – на пример, чоколади со слики од Белград и етно-мотиви, ракија „СрБски витез“ и други, тартуфи од српските шуми…“, пишува Ана Кабала, пренесува „Нова.рс“.
„Меѓутоа, таму има и некои намирници кои ви се добро познати, можеби дури и редовно ги купувате, но сигурно не по овие цени.
Добро, навикнати сме и водата на аеродромите да биде прескапа – на белградскиот, шишенце од половина литар чини 2,50 евра. Има и луѓе кои сакаат со себе да понесат шише жесток пијалак – веројатно затоа има толку голем избор на ракии и во ценовен опсег од околу 20 евра па сè до 349 евра, колку што чини една од сливи (инаку е 19.900 динари), можеби и повеќе.
А потоа тука се и деликатесите како ајвар, компот, козјо сирење, сланина, цвекло во тегла… Сè во минијатурни пакувања, а по неколкукратно повисоки цени отколку што се продаваат во маркетите.
На пример, обичните џимиринки се 7,50 евра, дуван-џимиринките 8 евра – „дозирани“ на 150 грама, што би значело дека килограмот е околу 53 евра, односно малку над 6200 динари.“
Погледнете кои уште српски специјалитети (и по кои цени) ги сретнавме на аеродромот во овие денови, а за разни корисни информации и приказни од патувања следете ја Инстаграм страницата „Putničarenje“.
