Во 2014 година професиите со ниски плати сочинувале 21 отсто од пазарот на работа, а најголем пад бил забележан во 2022 и 2023 година.
Секторот со ниски плати во Германија повеќе не покажува тренд на опаѓање. Во април 6,3 милиони работници, односно 16 отсто од сите вработени заработувалe најмногу 14,32 евра oд час, соопштил Сојузниот завод за статистика.
Тоа е истиот удел како претходната година. Во 2014 година професиите со ниски плати сочинувале 21 отсто на пазарот на трудот, а најголем пад бил забележан во 2022 и 2023 година.
Границата за ниска плата се менува во состав со средна заработка од час и ги опфаќа сите професии кои носат помалку од две третини од заработката. Во април 2025 година таа граница изнесувала 14,32 евра, додека минатата година изнесувала 13,79 евра. Покрај тоа, законскиот минималец моментално е 12,82 евра од час и треба да се зголеми на 13,90 евра на почеток на наредната година.
Најголемиот процент на ниски плати бележи секторот на угостителство каде повеќе од половина вработени (51 отсто) спаѓаат во оваа категорија. Во земјоделието, шумарството и рибарството тој процент изнесува 45, додека пак во областа на медицината, забавата и рекреациите ниска заработувачка по час добиваат 36 отсто од работниците.
Разликата меѓу најниско и највисоко платени на 10 отсто од вработените останува иста – оние со највисока заработка од час добиваат 39,65 евра, што е речиси три пати повеќе од работниците со најмала заработка од час кои добиваат по 13,46 евра.
