Иако моментално не е толку популарно како кефирот или грчкиот јогурт, киселото млеко е традиционален млечен производ којшто е богат со вредни состојки. Се добива од ферментирано непастеризирано млеко, а неговиот карактеристичен кисел вкус потекнува од млечната и оцетна киселина, етил алкохолот настанати при ферментација.

Вметнувањето на киселото млеко во секојдневната исхрана носи повеќе магнезиум, калиум, калциум, витамин Б, како и витамини А, Д и К.

Освен што е богато со хранливи материи, киселото млеко е нискокалорично. Порција од 100 грама содржи околу 50 kcal и има низок гликемиски индекс, што го прави поволно за лицата кои се грижат за телесната тежина и нивото на шеќер во крвта.

Производ којшто има поволно дејство врз цревата

Киселото млеко е природен пробиотик. Пробиотските бактерии од млечната киселина кои се наоѓаат во него се важни за цревната микрофлора која ги поддржува цревата, процесот на варење и регенерирањето на гастроинтестиналниот епител. Јадењето кисело млеко исто така помага во јакнење на вашиот имунолошки систем.

Експертите велат дека киселото млеко работи како правосмукалка во вашите црева. Тоа го подобрува и процесот на согорување на масти и е корисно за луѓето кои се на диета и сакаат да слабеат.

Рецепт за кисело млеко

Состојки: 1 литар свежо млеко (кравјо, полномасно за најдобри резултати), 2-3 супени лажици готово кисело млеко со жива пробиотска култура.

Напомена: Доколку користите млеко од тетрапак, постапката е иста, но со свежо млеко вкусот е покремаст.

Подготовка:

- Ставете го млекото во тенџере и загрејте го додека не зоврие.
- Кога ќе зоврие, оставете да врие 2-3 минути за да се уништат несаканите бактерии.
- Изладете го млекото.
- Тргнете го тенџерето од рингла и оставете го да се излади.
- Идеална температура е околу 40 степени Целзиусови.
- Во одделна чинија помешајте неколку лажици кисело млеко со малку од изладеното млеко за да добиете добра смеса.
- Вратете ја смесата назад во останатиот дел од млекото и мешајте.
- Одржувајте ја топлината.
- Садот добро поклопете го и завиткајте го во пешкир или ќебе за топлината да остане еднаква.
- Оставете да отстои 6-8 часа на топло место.
- Откако ќе се излади може да сервирате.