Според рангирањето на „Immigration Index“ на компанијата „Remitly“, Исланд е прогласен за најдобрата земја за луѓето кои сакаат да започнат живот на ново место до крајот на 2025 година.
- Исланд е прогласен за најдобрата земја за преселување во 2025 година.
- Просечната плата изнесува околу 4.500 евра, а животниот стандард е висок.
- Рејкјавик го комбинира градскиот живот и топлината на локалните заедници.
Оваа нордиска држава го зазела првото место со резултат од 58,4 поени од можни 100. Оцената е заснована на 24 клучни критериуми, вклучувајќи ја и моќта на економијата, трошоците за живот, квалитетот на здравствената заштита и јавниот превоз.
Ако размислувате за преселување, потребно е да земете предвид многу повеќе фактори отколку при планирањето одмор. Компанијата „Remitly“ во своето рангирање користела 24 критериуми за да ги издвои најдобрите земји за преселување во 2025 година.
Во истражувањето биле оценувани 82 земји по фактори како што се јавниот превоз, здравствената заштита, можноста за вработување, трошоците за живот, нивото на среќа и заедницата на мигранти. Секоја земја добила вкупна оцена во распон од 0 до 100 поени.
На врвот на листата се нашол Исланд, земјата со импресивни глечери, гејзери и поларна светлина, со резултат од 58,4 поени.
Сепак, Исланд е најпознат по своите сликовити пејзажи и природни чуда, а неговата привлечност се наоѓа во туризмот. Земјата зазема висока позиција во рангирање на безбедноста, дигиталната поврзаност, одржливиот развој на животната средина и нивото на среќа.
Главниот град, Рејкјавик, иако има околу 130.000 жители е навистина жив. Градот нуди богата кулинарска и културна сцена, ресторани, кафулиња, галерии, фестивали, а сето тоа може да го обиколите пешки. Ова ретко спојување на функционалноста на големиот град со блискоста и топлината на локалните заедници го прави Рејкјавик единствено место за живеење.
Меѓу моќните економски показатели се релативно високите плати и лесниот пристап до банкарските услуги, што дополнително ја зголемува активноста за доселеници.
„Просечната месечна плата изнесува околу 4.500 евра, што земјата ја става на врвот по квалитет на живот и работа“.
Во првите десет земји со атрактивност за преселување, доминираат европските држави како што се: Швајцарија, Луксембург, Норвешка, Ирска, Данска и Холандија.
