[ВИДЕО] Гвардиола влезе во расправија со двајца играчи на Њукасл, па го објасни инцидентот

Менаџерот на „граѓаните“ најпрво се расправаше со Жоелинтон кој беше оттргнат од претставниците на Њукасл, но имаше свои забелешки и за Бруно Гимараеш со кого имаа подолга конверзација.

– Се е во ред со Бруно, се е во ред. Му кажав само колку е добар како фудбалер. Исто така, го прашав што се случи во мешаницата која ја имаа со Донарума. Се е во ред, тоа е дел од фудбалот, – изјави Гвардиола.

Шпанскиот стручњак беше очигледно фрустриран што неговиот тим не ја продолжи позитивната форма, па сега ќе треба да го чека исходот од големото дерби на Северен Лондон, во кое силите ќе ги одмерат Арсенал и Тотенхем.

Сити остана на 22 бода со вчерашниот пораз, па Арсенал има шанса да отиде на „плус седум“ со победа над Тотенхем.