Снимката, направена некаде на црногорското приморје, за кратко време предизвика лавина коментари и неверување на социјалните мрежи.

Објавата споделена на страницата „Podgorički vremeplov“, која наводно потекнува од Црна Гора, ги натера многумина да се запрашаат – до каде оди човечката мака за егзистенција. Во описот на видеото, каде се гледа како работникот оди по кранската конструкција, стои коментар кој совршено ја отсликува суровата реалност:

„Се движеше по градежен кран без заштитна опрема. Дали е тоа лудост, храброст или единствениот начин да се обезбеди плата? На градилиштата се ризикува многу повеќе отколку што се гледа, но понекогаш изборот и не постои. Да размислиме за безбедноста – секоја плата вреди само ако се вратиме дома живи и здрави.“

Шок во коментарите

На видеото се гледа како мажот оди по металната конструкција на кранот, додека под него се протега целото градилиште.

Во коментарите под објавата – шок, иронија и огорченост се менуваат еден по друг.

Еден корисник напиша:

„Која опрема и да ја земе, само ќе му го отежне движењето. Ова можат само храбрите, лудите и оние чии деца се гладни.“

Друг му одговори:

„Ако, не дај Боже, падне – никаква заштитна опрема нема да го спаси.“

„Чесните луѓе се мачат“

Имаше и обиди ситуацијата да се „разблажи“ со шега:

„Јас не би се качил ни за цел пакет’Vinjak‘“,

додека други коментираа кратко:

„Бог нека го чува.“

Меѓутоа, се издвојуваа и посериозни гласови:

„Поради таквите што велат ’можам јас тоа‘, работодавците ги тераат и другите да прават што треба и што не треба.“

А еден коментар особено одекна меѓу сите:

„Се мачат и понатаму чесните луѓе, преживуваат од чесна работа, додека другите се снајдоа – во партии.

Меѓу шегите дека „ни падобран не би му помогнал“ и иронијата дека „оди побрзо од некои преку улица“, се провлече вистинската суштина – суровата реалност на работниците кои го ризикуваат својот живот само за да ги прехранат своите семејства.