Арда Гулер напредува од натпревар во натпревар и сè почесто влијае во клучните акции на Реал Мадрид, а поради своето добро издание против Јувентус, беше награден и со МВП признание од страна на УЕФА.
Турчинот доби индивидуална награда за својата претстава на „Сантијаго Бернабеу“, но привлече внимание и поради реакцијата која ја имаше кога ја напушти играта.
Арда му го отстапи своето место на Камавинга во завршните 15 минути, а кога се упати кон клупата, направи нешто што не го прави никој друг играч на Реал.
Покрај стандардното поздравување со своите соиграчи на клупата, Арда не ги заборави и полицајците, кои дефинитивно останаа изненадени од неговиот потег.
Младата ѕвезда на Реал им даде значење на луѓето кои се грижат за безбедноста на стадионот, а овој негов потег брзо стана вирален.
Arda Güler saludo hasta a los policías cuando salió de cambio JAJAJAJA ES DIOS. pic.twitter.com/INf9g8pgyX
— MT2 (@madrid_total2) October 23, 2025
