Подготовката е брза и лесна, а резултатот се сочни и ароматични колачиња кои совршено одат со шолја топол чај или кафе.

Потребни состојки:

- 2 средни јаболка (излупени и изрендани)
- 2 јајца
- 120 гр. шеќер
- 1 кесичка ванилин шеќер
- 180 мл. јогурт
- 100 мл. масло
- 250 гр. меко брашно
- 1 кесичка прашок за печиво
- 1 лажичка цимет
- прстофат сол
- шеќер во прав за посипување (по желба)

Подготовка:

Во поголем сад изматете ги јајцата со шеќерот и ванилин шеќерот.

Додајте го јогуртот и маслото, па мешајте додека не добиете хомогена смеса.

Во смесата просејте го брашното, прашокот за печиво, циметот и додајте прстофат сол. Нежно промешајте додека состојките не се соединат.

Изренданите јаболка лесно исцедете ги за да се отстрани вишокот сок, па додадете ги во смесата. Повторно внимателно промешајте.

Подгответе калап за мафини со хартиени корпички и наполнете ги до ¾ од висината.

Печете во претходно загреана рерна на 180°C околу 20–25 минути, или додека не поруменат.

Откако ќе се изладат, посипете ги со шеќер во прав по желба.