Неговиот одговор, објавен на „Instagram“, прикажува „Porsche 911“ кој е помал и покомпактен од актуелниот модел 992, но истовремено недвосмислено модерен. Резултатот е толку убедлив што на прв поглед изгледа како официјален концепт.

Тарасенко за својот рендер ја задржа препознатливата силуета на моделот 911, но предниот и задниот дел ги направи поисправени, потсетувајќи на класичните модели. Особено се истакнуваат кружните предни светла и тесните „LED“ дневни светла инспирирани од легендарниот G-модел од 1970-тите. Се разбира, тука се и неизбежните широки браници што го нагласуваат спортскиот карактер.

Впечатлива „Turbo“ изведба

Задниот дел е минималистички, но елегантен, со модерна светлосна лента што се протега по целата ширина на возилото. Дизајнерот замислил и моќна „Turbo“ верзија, која ја краси масивен, фиксен спојлер на капакот на моторот.

Овој детал не само што ја подобрува аеродинамиката, туку е и јасна врска со култните „Turbo“ модели од минатото. Рендерот прикажува и четвороцевен издувен систем, иако издувните цевки на основниот модел делуваат изненадувачки компактно.

Иако овој дизајн е само плод на фантазијата, тој поставува интересно прашање за иднината на иконата на „Porsche“. Сегашната генерација 992 е на пазарот од крајот на 2018 година, а наследникот не се очекува уште неколку години. Малку е веројатно дека „Porsche“ ќе се одлучи за намалување на димензиите, но рендери како овој покажуваат дека постои силна желба за враќање на корените. Дотогаш, ни останува само да сонуваме.