Нејзината едноставност се огледа во фактот што од една смеса добивате два слоја.

Состојки:

9 јајца

200 грама шеќер во прав

300 грама путер

150 грама мелени ореви

четири лажици какао

200 грама темно чоколадо

200 мл шлаг крем

Подготовка:

За почеток, одвојте ги жолчките од белките. Додадете го шеќерот во садот со жолчките и матете додека да добиете пена. Потоа изматете го путерот и додадете го во смесата од жолчки и шеќер и матете кратко.

Додајте ги мелените ореви и какаото и измешајте. Растопете го чоколадото на пареа и додадете го во смесата па добро измешајте. Во друг сад, изматете ги белките во цврст снег и додадете ги во смесата. Измешајте ги сите состојки рачно за да нема меурчиња.

Замастете калап за торта со дијаметар од 26 см и истурете половина од смесата. Печете во претходно загреана рерна на 185 степени 40 минути. Оставете го остатокот од смесата во фрижидер.

Кога кората ќе се испече, изладете ја и префрлете ја на држач за торта. Ставете обрач околу кората, а потоа додадете го остатокот од смесата, па потоа истурете го шлагот врз смесата. На крај, добро изладете пред сервирање.

Извор: Recepttura