Ламин Јамал беше еден од најразочараните играчи на Барселона по болната елиминација од Интер во полуфиналето во Лигата на шампиони, а истата дојде во момент кога каталонскиот гигант е пред клучна битка и за титулата во Ла Лига.
Играчите на Барса немаа многу време за жалење и залечување на раните, од едноставна причина што веќе денеска играат големо „Ел Класико“ дерби против Реал Мадрид, кое може да даде многу одговори за новиот национален шампион.
Во случај на победа на Барса, каталонскиот гигант ќе биде на два бода од осигурување на титулата во последните три кола, па Јамал реши да се мотивира себеси со порака која им ја сподели и на своите следбеници на социјалните мрежи.
"Our greatest glory is not in never falling, but in rising every time we fall." – Lamin Yamal on IG.
— Kwesi 🥷 (@acheampong_pat) May 11, 2025
Rising against Real Madrid. #ElClasico #ForçaBarça pic.twitter.com/YPMVAu5xJ4
– Нашата најголема одлика не е тоа никогаш да не паднеме, туку да станеме и да се издигнеме секојпат кога ќе паднеме, – гласи пораката на Јамал.
Ламин дефинитивно ќе има огромна желба за докажување против лутиот ривал, па останува да видиме дали Барса ќе успее да го заборави поразот од Интер, или ќе му даде искра надеж на Реал за нова титула во Ла Лига.
