Ако имате кошничка јагоди што веќе не се најсвежи, не ги фрлајте, советува нутриционистката Ивана Мишиќ на својот Инстаграм профил. Наместо тоа, подгответе брзо и здраво смути кое ќе ве освежи, ќе ве засити и ќе му обезбеди на вашето тело бројни корисни хранливи материи.

Рецепт за смути од јагоди за витка фигура и младешки сјај

Состојки:

• 3 дл јогурт

• 2 лажици сок од лимон

• 100 г јагоди

• 1 мало јаболко

• 1 средна банана

• прстофат сол

• ½ лажичка свеж ѓумбир

• засладувач по желба (мед, урми, јаворов или агавен сируп)

Подготовка: Ставете ги сите состојки во блендер и мешајте додека не добиете мазна, кремаста смеса. Овој пијалок е совршен како лесна закуска или како појадок за носење.

Зошто јагодите се вистински сојузник за здравјето?

Освен прекрасниот мирис и вкус, јагодите ја носат титулата суперовошје со добри причини:

• Го стимулираат согорувањето на мастите: Црвениот пигмент антоцијанин не само што им дава боја, туку го поттикнува и топењето на масните наслаги, кои телото ги користи како извор на енергија.

• Ја зајакнуваат меморијата: Антоцијанинот може да ја подобри краткорочната меморија и до 100% во рок од осум недели со редовна консумација.

• Нискокалорични и богати со растителни влакна: 100 грама јагоди содржат само 33 калории и речиси целата препорачана дневна доза на витамин Ц. Влакната и нитратите го забрзуваат метаболизмот и придонесуваат за слабеење.

• Анти-стареечки ефект: Витаминот Ц учествува во синтезата на колагенот, додека елагичната киселина го спречува неговото разградување и ја штити кожата од воспаленија, со што се намалуваат брчките и се подобрува тенот.

• Антиинфламаторно дејство: Редовната консумација на јагоди го намалува нивото на Ц-реактивниот протеин во телото, што може да ги ублажи симптомите на хронични воспаленија.

Јагодите не се само симбол на пролетта – тие се и вреден извор на здравје. Искористете ги додека се во сезона, било свежи, во колачи или, уште подобро, во освежително смути што ќе ве нахрани одвнатре и ќе ве разубави однадвор, советува нутриционистката.