Корисничката на "TikTok", Тејлор од Северна Каролина, минатата недела одлучила да направи мал експеримент со своите кучиња – и за кратко време го привлече вниманието на корисниците на оваа социјална мрежа. Имено, сопственичката на чивавата Тако и мешанчето Стич била љубопитна да види како би реагирале нејзините миленици ако таа наеднаш падне во несвест додека држи јадење во рацете.
На виралното видео, кое собра над 2.3 милиони прегледи, може да се види како Тејлор се преправа дека губи свест додека во рацете држи хамбургери. Поголемото куче, Стич, стои над својата сопственичка збунето, дури и заштитнички, како да се обидува да разбере што се случува.
Но, затоа малото куче Тако веднаш ги покажа своите приоритети – брзо го зграби хамбургерот од раката на Тејлор и побегна во својот кревет. Без премногу драма, одлучи дека тоа е совршен момент за оброк.
Објавата собра 92 илјади лајкови и над четири илјади коментари. Коментарите беа претежно шеговити: „Време е малото куче да си најде нов дом“, „Чивавата не ни почека да паднеш“, „Извини му се на поголемото куче, беше загрижено“, „Чивавата рече: ако си мртва, нема зошто да ти треба хамбургер“, „Чивавата има приоритети – и тоа не си ти“
Watch on TikTok
