Леонардо Дикаприо го привлекол вниманието на овогодишниот „CinemaCon“ во Лас Вегас, каде го претставил својот најнов филм „One Battle After Another“. Покрај тоа што станува збор за неговиот прв голем филм по „Killers of the Flower Moon“ од 2023 година, Дикаприо сите ги изненадил и со неговиот нов изглед.
50-годишниот актер на црвениот килим се појавил со бојадисана коса и веѓи, што многу медиуми веднаш го окарактеризираа како „средовечна криза“.
На настанот му се придружија и неговите колешки од филмот Тејана Тејлор (34) и Реџина Хол (54), кои исто така привлекоа внимание со нивниот моден избор.
Дикаприо претходно имал посветла коса и веѓи.
Се очекува филмот да привлече значително внимание
Филмот „One Battle After Another“, во режија и сценарио на Пол Томас Андерсон, е адаптација на романот на Томас Пинчон, „Vineland“ од 1990 година. Ди Каприо во филмот глуми бунтовник кој се обидува да ја спаси својата киднапирана ќерка, а заплетот, според самиот актер, е политички и културно „длабоко вкоренет во колективната психа на денешницата“. Се очекува филмот да привлече значително внимание на публиката и на критичарите.
Овој филм е втора филмска адаптација на Андерсон на делата на Пинчон. Пред ова, тој ја адаптирал книгата „Inherent Vice“, објавена во 2009 година, а филмот премиерно бил прикажан во кината во 2014 година.
