Гледачите испаничено врискаа поради ненадејниот напад што се случи во Примитивниот шумски парк Ксишуангбана, во Кина, пишува „Дејли мејл“.
Имено, 22-годишната руска изведувачка Маша, позната како „сирената“, пливала низ аквариумот облечена во горен дел од бикини и сиренски опаш. Додека грациозно се движела низ водата, таа им мафтала на посетителите, додека рибите пливале околу неа.
Но, во еден момент, огромно суштество испливало над нејзината глава. Одненадеж, рибата ја отворила својата џиновска уста и ја зграпчила за лицето, што предизвикало паника и вресоци меѓу присутните. Сепак, Маша успеала брзо да се ослободи и да исплива на површината.
Според извештаите, нападот ѝ нанел повреди на главата, вратот и окото, а рибата ѝ ги проголтала очилата за пливање и штипките за нос.
Инцидентот се случил во Ксишуангбана, Кина, каде што работела руската изведувачка.
Според руските медиуми, и покрај силната болка од раната на вратот, таа била принудена да се врати во аквариумот.
По нападот, ѝ биле понудени околу 78 фунти како „морална отштета“, но ѝ било забрането да зборува за настанот, бидејќи нејзините претпоставени во Примитивниот шумски парк Ксишуангбана се обиделе да го сокријат инцидентот.
Слатководниот аквариум во кој се случил нападот содржи автохтони видови од реките Меконг и Јангцe, како и други ретки водоземци.
Во извештаите не е наведено за каков вид риба станува збор.
Денес
