Актерката Тори Спелинг го опиша трауматичното искуство со евакуацијата од опожарениот Лос Анџелес.
На самиот почеток таа истакна дека се обиделе да не го напуштаат домот, но дека ситуацијата била таква што морале да се евакуираат.
„Синоќа бевме евакуирани. Се обидов да издржам и да не ја напуштам куќата пребрзо, но на крајот моравме. Моето срце е со сите оние кои изгубија толку многу нешта и кои страдаат. Како мајка на пет деца и миленичиња, почувствував дека е време да преземам акција, како што нè информираа сите апликации и преноси во живо. Во автомобилот, јас и петте деца, три големи кучиња, една мачка и твор, тргнавме неочекувано. Пријателите со денови ми велеа да ги спакувам работите и да направам план. Требаше да ги послушам. Едвај се сместивме. Без облека, но ги зедов албумите со фотографии, и избегавме. Во паника ја побарав мојата пријателка Џами Шварц. Таа претходно ми кажа дека работи со „Airbnb“ и таа нè спаси. Буквално! Ни најдоа сместување истата вечер. Џами и Тејлор, вечно ќе ви бидам благодарна“, изјави актерката.
Потоа истакна дека морала да помине со автомобил низ пожарот и додека се возела со нејзините пет деца. Сепак, на крајот сè се завршило добро.
„Со преплашени деца и едно со тешка астма … Само возев понатаму. Децата ми рекоа: „Мамо, дали си сигурна дека треба да одиме по овој пат? Автопатот во спротивна насока е затворен. Ние одиме право во пожарите. Навистина одевме … Мајчиниот инстинкт преовлада и продолжив кон северот. Се возевме буквално низ пожарот додека чадот влегуваше низ отворите за воздух на автомобилот … Им реков на децата да дишат длабоко, да ги покријат носот и устата со нивните маички. Тогаш кажав: „Ова е застрашувачко, но надежно. Ќе поминеме низ ова и сè ќе биде добро. Ќе биде океј. Ви ветувам на сите“. Продолживме, оставајќи го зад себе горечкиот Лос Анџелес. И навистина бевме добро. Ние сме едни од среќниците. Изгледаше како сцена од филм кој го гледав премногу пати“, додаде Спелинг.
