Два инциденти кои го потресоа јавноста – експлозијата на „Tesla Cybertrek“ пред хотелот на Трамп во Лас Вегас и масакрот во Њу Орлеанс – имаат заедничка точка: двете возила биле изнајмени преку агенцијата „Туро“.

Компанијата со седиште во Сан Франциско ја потврди информацијата:

„Во моментов немаме докази за поврзаност меѓу овие инциденти. Нашиот тим за доверба и безбедност активно соработува со истражните органи,“ соопштија од компанијата.

Тие истакнаа дека не можат целосно да го контролираат користењето на нивните возила:

„Не проверуваме детално кои лица користат изнајмени возила или кој е присутен во нив,“ додадоа од „Туро“.

„Туро“ располага со 360.000 автомобили и нуди возила од различни марки, вклучувајќи Tesla, Toyota и Porsche. Во 2020 година компанијата беше проценета на 1,5 милијарди долари, а според податоците, услугите ги користеле 3,7 милиони клиенти.

Изјава на Илон Маск

Сопственикот на Tesla, Илон Маск, изјави дека експлозијата во Лас Вегас била резултат на бомба поставена во автомобилот. Возачот загинал на местото, а седум лица биле повредени.

На својата социјална мрежа Х (поранешен Твитер), Маск сугерираше дека инцидентот би можел да биде „поврзан на некој начин“ со нападот во Њу Орлеанс, каде што возило управувано од Шамсуд-Дин Џабар уби најмалку 15 луѓе.

Реакции од властите

Претседателот на САД, Џо Бајден, за време на прес-конференцијата во средата, изјави дека се истражува можната поврзаност помеѓу двата трагични настани.

Овие инциденти остануваат предмет на интензивна истрага, а јавноста со нетрпение очекува нови информации.