Според Лес, најголемиот неуспех на Приштина е неможноста да ги убеди САД и ЕУ дека северот на Косово може насилно да се интегрира без посебен статус. Дополнително, Приштина не успеала да обезбеди поддршка за прием во меѓународни институции без признавање од Србија, пренесува „Газета Експрес“.

„Ова се случува и покрај меѓународната кампања за лобирање, која се обиде да ја претстави Србија како клиент на Русија,“ вели Лес.

Промена на дијалогот во 2025 година

Лес смета дека во 2025 година дијалогот меѓу Белград и Приштина ќе се префрли од ЕУ во САД, бидејќи тие се единствената сила што двете страни ја сфаќаат сериозно.

„Ако настаните се одвиваат како во 2017 година, водството на дијалогот ќе премине од ЕУ, која уште еднаш ја докажа својата неспособност, на САД. Именувањето на Ричард Гренел како специјален пратеник е јасен сигнал дека Вашингтон е подготвен да ја преземе контролата,“ истакнува Лес.

Нов пристап на администрацијата на Трамп

Лес додава дека администрацијата на Трамп ќе го напушти Охридскиот договор, нарекувајќи го „мртвo слово на хартија“, и ќе усвои нов пристап фокусиран на тоа што Србија бара од Косово во замена за признавање.

„Ќе има притисок врз Србија да го прифати признавањето, но и врз Приштина да понуди нешто значајно како компензација,“ заклучува Лес.