Во масовното злосторство во Цетиње убиени се 12 лица, меѓу кои две деца, додека лекарите од Клиничкиот центар во Подгорица се борат за животите на четворица лица од Цетиње, пренесоа црногорските медиуми.
Во злосторството биле убиени седум мажи, три жени и две деца.
Сите полициски единици, како и припадниците на специјалната полициска единица, со часови трагаа по осомничениот Ацо Мартиновиќ, кој почина неколку минути пред полноќ, откако си пукал во главата кога, како што потврди в.д. директорот на црногорската полиција Лазар Шќепановиќ, полицијата го опколила во близина на семејната куќа во населбата Хумци.
Тој починал на пат кон Клиничкиот центар во Подгорица.
Убиецот почнал да пука во кафулето по претходна вербална пресметка. Таму убил четворица мажи, меѓу кои и сопственикот на ресторанот. Убивал на две други локации. Меѓу убиените има и членови на неговото семејство.
Четири лица се ранети.
Црна Гора ќе прогласи тридневна жалост.
Видеото можете да го погледнете на следниот ЛИНК.
