Северна Кореја започна со изградба на фрегата тешка 4.000 тони опремена со вертикален систем за лансирање како дел од надградбата на нејзиниот нуклеарен и ракетен арсенал, тврди војската на Јужна Кореја.
Соопштението на јужнокорејската војска беше објавено еден ден откако државните медиуми во Пјонгјанг објавија фотографии од севернокорејскиот лидер Ким Џонг-ун во посета на бродоградилиште каде се гради нов воен брод, пренесува Јонхап.
„Северна Кореја гради фрегата тешка 4.000 тони во пристанишниот град Нампо. Со оглед на големината на бродот, се проценува дека е способен да носи ракета брод-земја“, изјави јужнокорејски воен претставник.
