Основачот на "Alibaba" и своевремено веројатно еден од најпознатите луѓе во светот на технологијата, еден период ги избегнуваше сите јавни настапи.
Откако ја критикуваше кинеската влада во 2020 година, Ма речиси целосно исчезна од јавната сцена, што доведе многумина да се запрашаат дали тој воопшто е жив.
Тој е жив, а тоа го знаеме затоа што се појавува одвреме-навреме на некои корпоративни собири, а токму тоа беше случај и сега.
На 20-годишнината на забавата на "Ant Group", подружница на "Alibaba", Ма одржа говор фокусирајќи се на вештачката интелигенција и нејзиниот потенцијал.
Тоа е веројатно најважната тема оваа година за сите кои на кој било начин се занимаваат со технологија, а Ма рече дека „денес не можеме ни да замислиме што се ќе ни донесе вештачката интелигенција“.
Тој истакна дека пред две децении неговата генерација имала среќа да знае и користи интернет и дека овој пат е радикално различен од оној на почетокот на векот.
„Можеме само да замислиме колку брзо ќе се променат работите во иднина. На овој начин промените што ќе ги донесе вештачката интелигенција во следните 20 години ќе бидат огромни“, вели Ма.
Тој, сепак, нагласи дека мора да се осигури дека вештачката интелигенција не е таа што ќе „управува“ со луѓето, туку дека најважно е да се „создаваат важни и вредни работи“ во наредниот период.
