Нејмар повторно се повреди, за негова среќа не е сериозна ситуација како некои претходни, но сигурно ќе одмора 4-6 недели, што значи дека оваа календарска година за него е завршена, што се однесува до фудбалот.

Пеколот за Бразилецот само се продлабочи.

Колку повредите му ја „изобличија“ кариерата, можеби најдобро говори фактот што од Светското првенство во Катар во 2022 година, тој одигра само 20 натпревари, а заврши само 11 од нив.

Уште од Катар, тој практично постојано закрепнува.

Долго беше надвор од терените поради операција на скочниот зглоб (131 ден одмор), потоа имаше проблеми со мускулите (30 дена одмор), а потоа уште еден тежок удар за идолот на многу генерации – кинење на вкрстените лигаменти на коленото и пауза која траеше 366 дена.

Конечно Нејмар го поздрави своето враќање на терените неодамна, на дуелот со Ал-Аин кога одигра 14 минути, но веќе на следниот натпревар, во азиската Лига на шампиони против Естеглал, почувствува болка и не можеше да продолжи.

На теренот мина само 29 минути.

Покрај Нејмар, најголем губитник за сето ова време секако е неговиот клуб Ал-Хилал, кој на Бразилецот му плаќа по 100 милиони евра по сезона, а така ќе биде до летото 2025 година. Впрочем, раскинувањето на соработката меѓу двете страни може да се случи и порано, а речиси сигурно ќе се случи во блиска иднина, бидејќи клубот не сака да плати играч од кој не добива апсолутно ништо.

Впрочем, во следниот период ќе видат како ќе изгледа Нејмар по враќањето на теренот, дали ќе може да придонесе како досега и врз основа на тоа што ќе го видат ќе донесат конечна одлука.

Нејмар одигра само седум натпревари откако се приклучи на Ал-Хилал пред година и половина, постигна еден гол и забележа три асистенции.

На крајот на краиштата, се чини дека е само прашање на време кога ќе ја напушти Саудиска Арабија и ќе ја промени средината, а следна дестинација најверојатно ќе биде родниот Сантос, кој веќе го чека со раширени раце, потврдија од тој клуб неодамна.