[ВИДЕО] Терористички напад во Израел, пукање на автобуска станица! Девет лица избодени, едно лице загина, напаѓачот убиен со огнено оружје

На централната автобуска станица во израелскиот град Бершева денеска се случи терористички напад во кој беа ранети девет лица, од кои едното почина на местото на нападот.

Ова го објави „Тајмс оф Израел“, повикувајќи се на лекарите од итната помош кои дошле на помош на настраданите.

Се наведува дека жртвите биле избодени, од кои едната била во критична состојба и не преживеала и покрај укажаната помош.

Останатите ранети се пренесени во болница со повреди од лесни до умерени.

Израелскиот весник наведува дека напаѓачот бил застрелан и убиен.