Непишано правило е дека гостите на венчавките не треба да носат облека во бела боја која е резервирана за невестата, па затоа фустанот на една инфлуенсерка кој таа го носела на свадбена прослава наиде на бројни критики.
Имено, инфлуенсерката Талија Скејнс, која на Инстаграм ја следат повеќе од 830.000 луѓе, се пофалила со фотографиите од венчавка на која неодамна присуствувала.
„Прекрасен ден за славење на љубовта“, напишала Талија, која позирала на фотографиите во долг, бел фустан кој имал длабоко деколте и ги истакнувал нејзините бујни гради.
„Сериозно? Дури и да не постои кодекс на облекување, зарем заборави дека овој ден не е твој? Носиш речиси идентичен фустан како невестата, имај малку пристојност“, „Одеднаш се појавува нов кандидат за нарцис на годината“, „Зошто имаш потреба вака да се облечеш за венчавка на пријател? Очигледно си несигурна“, „Ова не е соодветен фустан за венчавка. Немаш почит“, се дел од коментарите под објавата.
По бројните критики, инфлуенсерката решила да сними видео во кое објаснила зошто го носела токму тој фустан.
„Темата на венчавката беше бела. Ја видов поканата пред девет месеци и не се сеќавам дека тогаш пишуваше кодекс на облекување“, рекла таа. Талија додала дека планирала што ќе облече, но подоцна дознала за темата, па во последен момент барала нова облека.
