Бил Гејтс потроши милијарди долари на технологии за кои мисли дека ќе ја обликуваат иднината, а еве што има да каже за вештачката интелигенција.
Наскоро на платформата Нетфликс ќе биде објавена нова серија во која Гејтс зборува за голем број теми, меѓу кои нееднаквоста, климатските промени, глобалното здравје и темата за вештачка интелигенција.
Оваа серија е закажана за 18 септември, а токму тоа беше и темата на интервјуто на Гејтс кое го даде за веб-страницата The Verge. Во првата епизода, Гејтс зборува за вештачката интелигенција и користи ChatGPT.
- Често учам за некои нови теми, а ChatGPT е одличен начин за добивање објаснувања за некои директни прашања. Многу помага и при пишувањето, и би рекол дека најмногу ја користам функцијата за резиме на состанокот, рече Гејтс.
На прашањето дали е загрижен за „пророштвата“ дека вештачката интелигенција ќе го уништи светот, Гејтс рече дека поголемото прашање е како да се искористи за позитивни цели на краток рок, на пр. во здравствениот или образовниот сегмент.
- Во следната деценија ќе видиме зголемена продуктивност (благодарение на вештачката интелигенција) во многу сегменти, што е многу добра вест. Колку е помоќна вештачката интелигенција, толку повеќе проблеми ќе има кога лошите момци ја користат, но генерално мислам дека вештачката интелигенција е добра работа и само треба добро да ја дизајнираме, изјави Бил Гејтс.
Тој исто така додаде дека вештачката интелигенција е корисна за борба против дезинформациите, односно добра е кога сакате на ефикасен начин да дознаете што се случува во светот.
