[ФОТО] Дали сте го пробале десертот наречен „кескул“: Традиционалниот турски пудинг којшто се подготвува за 15 минути

Постојат повеќе варијанти од овој кремаст, млечен десерт, а ова е рецептот за кескул со кокос.

Потребни состојки за четири порции: 600 милилитри млеко

50 грама брашно

50 грама шеќер

Три кесички ванилин шеќер

50 грама кокос

Две жолчки

30 грама путер

Декорација: бадеми, ф’стаци или кокос.

Подготовка: Во тенџере ставете 400 милилитри млеко, додадете ги двата видови шеќер и кокос, и оставете ја смесата да се вари на тивок оган додека зоврие. Остатокот од млекото ставете го еден сад, во којшто ќе ги додадете жолчките и брашното. Матете додека да добиете еднаква смеса без грутки, па потоа истурете ја во тенџерето со млеко, шеќер и кокос, а додека го правите тоа, постојано матете ја смесата со маталка. Варете ја оваа смеса неколку минути додека да се згусне, а потоа тргнете ја од оганот и во смесата додадете путер којшто исто така ќе го матите додека се стопи.

Топлата смеса распоредете ја во четири мали садови, коишто ќе ги покриете со пластична фолија и ќе ги оставите да се изладат на собна температура. Потоа десертот ставете го во фрижидер за да се стврдне. При послужување, десертот можете да го украсите со кокос, бадеми или мелени ф’стаци.