[ВИДЕО] Лимонада со смрзнати праски и мед: Одлично хидрира, освежува и му годи на срцето
Овој пијалак кој е комбинација од благиот вкус на праски и киселиот вкус на лимонот, ќе ви пружи совршена комбинација на вкусови кои ќе ве освежат, а се подготвува брзо и едноставно.
Потребни ви се:
Две чаши смрзнати праски
Половина чаша мед
Една чаша свеж лимонов сок (околу седум исцедени лимони)
Половина чаша вода (можете да додадете и коцки мраз), а со комбинација на овие четири состојки, ќе доживеете потполно уживање и освежување во топлите денови.
Подготовка:
Ставете ги сите состојки во блендер и матете ги сè додека смесата не добие мазна текстура.
Бенефитите на медот:
Богат е со антиоксиданти, поздрав е од обичниот шеќер, може да го подобри здравјето на срцето, може да помогне при кашлица, не ги оштетува забите, помага кај заздравувањето на раните, го намалува нивото на холестерол и триглицеридите за 7%, а го зголемува нивото на корисниот „HDL“ холестерол за 2%, исто така медот може да помогне кога се соочувате со мамурлак.
Праските се одлични за одржување на здравјето на срцето
Праските се многу освежително овошје поради високиот процент на вода којашто ја содржат во себе, а имајќи ја предвид нивната ниска калориска вредност идеални се за слабеење. Праските имаат диуретска улога, го прочистуваат организмот и ја подобруваат работата на дигестивниот систем. Праските се богати со витамините А и Ц, изобилуваат со влакна коишто се добри за дигестијата, добри се за одржување на здравјето на срцето, одлично освежуваат и хидрираат, а исто така се добри и за кожата.
