Видеото од горила во зоолошката градина Колумбус во Охајо на кое љубопитно гледа мало бебе ги освои срцата на многу корисници на социјалните мрежи.
Имено, посетителката го доближила своето бебе до стаклото, што побудило интерес кај горилата. Во еден момент животното се доближило до стаклото и му испратило бакнеж на бебето. Глетката ги разнежнила сите присутни.
Видеото е прегледано речиси 18 милиони пати на Инстаграм и има речиси милион лајкови. Од овој емотивен момент се воодушевени и бројните корисници на споменатата социјална мрежа.
„Животните се пољубезни од луѓето овие денови“, „Прекрасни. Горилата не треба да биде зад решетки“, „Ова е и убава и толку тажна сцена“, „Ги сакам животните повеќе од луѓето“, се дел од коментарите. .
Инаку, научниците од „Wellcome Trust Sanger Institute“, кој се наоѓа во близина на Кембриџ и Медицинскиот колеџ Бејлор во Хјустон, во 2012 година спровеле студија која покажала дека горилата и луѓето споделуваат дури 96 отсто од нивните гени.
Денес
