Многу земји се борат со непослушните возачи, како и со патниците во возилата. На пример, носењето појас во возилата е сè уште необврзувачко дејство за многумина, а последиците можат да бидат фатални во случај на судир.
Ова особено се однесува на патниците на задното седиште во возилото, кои сè уште имаат навика да возат без појас, со што се загрозуваат себеси и оние што седат пред нив.
Поради оваа причина, Белгија подготви измени во својот Закон за патен сообраќај кои ќе бидат активни од 1 септември, пишува „ХАК Ревија“.
Заедно со низата дополнувања, вреди да се спомене и казната за сите патници во возилото доколку некој од нив не носи појас. Во основа, тој што не е врзан ќе плати казна од 100 евра, но исто толку ќе платат и возачот и другите патници во возилото, дури и да се врзани. Тие ќе бидат казнети затоа што не извршиле влијание врз личноста која не е врзана. Од друга страна, сите лица во автомобилот, на пример, ќе платат по 150 евра доколку еден од патниците што не се врзани со ремен е дете.
