Не е невообичаено популарните серии низ годините и сезоните да губат на квалитет, а се чини дека тоа е случај и со серијата „The Bear“ која беше прогласена за најдобра во 2023 година.
Епизодите од третата сезона на серијата се објавени, а рецензиите на критичарите како и фановите кои ги споделуваат впечатоците на социјалните мрежи не се одлични. Третата сезона едноставно не ги воодушевила, а некои дури велат и дека е „упропастена“.
"In Season 3, 'The Bear' feels torn between two identities: a voice for the world of restaurants at large, and a specific story about a specific set of characters," writes Variety's Alison Herman.
— Variety (@Variety) June 27, 2024
Read the full review here: https://t.co/I3kW1zKP9t pic.twitter.com/IJXgAxr9ru
Серијата предводена од Џереми Ален Вајт стана позната по својата прва сезона, освојувајќи 10 Еми награди, вклучувајќи награди за тројца членови на главната актерска екипа.
„The Bear“ одлично започна и меѓу критичарите, но со излегувањето на третата сезона реакциите не се баш најдобри. „Variety“ наведе дека „се враќа чекор назад во бесцелната трета сезона која премногу се потпира на моќта на ѕвездите“.
Ребека Николсон од „The Guardian“ вели во нејзината рецензија: „Во „The Bear“ сите или викаат еден на друг да замолчат или инсистираат на тоа колку се сакаат“.
Додека повеќето фанови сè уште ги немаат погледнато сите 10 епизоди, првите реакции кои ги споделуваат на мрежите не се баш сјајни, а некои дури пишуваат дека третата сезона е уништена.