Оваа здрава верзија на палачинки се подготвува за само неколку минути, а содржат само 310 калории.
Рецептот го пронајдовме на Инстаграм, а во објавата се наведува дека ова е здрава алтернатива на, за многумина, омилениот десерт.
„Ако вашата цел е губење маснотии, направете мали промени кои ќе ги задржите на долг рок. На тој начин нема да морате да го правите тоа одново и одново“, се наведува во снимката.
- 1 јајце + 3 белки
- 30 гр. овесни снегулки
- 55 мл. бадемово млеко
- една лажичка прашок за пециво
- засладувач по избор
Измешајте ги сите состојки заедно во блендер. Загрејте нелеплива тава и печете од двете страни по неколку минути додека не се создадат меурчиња. Ако сакате, можете да додадете и малку протеин во прав во смесата.
Користете фил или прелив кој го сакате или кој одговара на вашата исхрана.