Како изгледа правдата за децата кои вршат злосторства во општество кое не ги заштитило? Кој е навистина виновен? Шведската минисерија „Deliver Me“ во режија на Ана Закрисон, истражува како една заедница се справува со неискажливата трагедија предизвикана од насилството на бандите. Главните улоги ги толкуваат Оле Странд и Јасир Хасан, а заплетот е заснован на романот на Малин Персон Гиолито.
Тинејџерите Доџ (Оле Странд) и Били (Јасир Хасан) се најдобри пријатели, иако се чини дека се од различни светови. Доџ живее привилегиран живот, но зависноста на неговите родители довела до негово запоставување. Од друга страна, Били расте во финансиски сиромашен, но безбеден дом, полн со љубов.
Иако нивното пријателство обезбедува стабилност во нивните хаотични млади животи, тие се ранливи на сили кои не можат да ги контролираат – како што е активноста на бандите кои го мачат нивниот град. Откако ќе бидат регрутирани од немилосрден криминалец, Мехди (Соломон Њи), Доџ и Били стануваат дилери на дрога. Но, кога Били подоцна се обидува да ги прекине врските со бандата, тој се наоѓа во замка - и тој и Доџ се соочуваат лице в лице со насилство.
Серијата неодамна пристигна на „Netflix“ и веќе е на седмото место на најгледани. Гледачите тврдат дека „Deliver Me“ е „многу добра, но тажна“.
„Одлична серија со одличен заплет“, „Врвна серија, но тажна“, „Уживав, иако е тажна“, „Ова е вистински проблем со кој се соочуваме во Шведска. Многу автентична серија“, се некои од коментарите во Фејсбук групата „Netflix Bangers“.
