Адел во текот на саботната вечер внела доза гламур на НБА натпреварот, а била во придружба на својот сопруг.
Добитничката на наградата „Греми“ на трибините била заедно со сопругот Рич Пол, во прилично едноставен аутфит и природен изглед, но тоа и тоа како оставило впечаток.
Имено, на натпреварот меѓу Лејкерс и Денвер Нагетс во Лос Анџелес, Адел се појавила во црно одело под кое носела бела, памучна маица, а изгледот го надополнила со бели салонки.
Нејзиниот заштитен знак биле долгите бели нокти кои биле совршено обликувани, како и русата коса која била пуштена и во брановиден облик, а сето тоа оставило нежен и природен впечаток на сите.
Пол исто така бил прилично елегантен во тексас јакна со црна маица, кожни панталони и чизми.
Пејачката изгледала многу свежо и убаво, со оглед на тоа што во скоро време ѝ била откриена ретка болест која се одразува на нејзините гласни жици.
Адел за „Daily Mail“ изјавила дека болеста го зела данокот и дека се одразува на нејзиниот глас, па докторите ѝ наредиле добро да се одмори пред повторно да излезе на сцена.
