Застрашувачки снимки од торнадо во Америка, неколку стотици куќи се уништени, загинатите сѐ уште се бројат

Локалните медиуми јавуваат дека опасноста ќе го достигне својот врв во текот на денот.

Стотици домови се оштетени, а речиси 10.000 луѓе се без струја по торнадото што избувна низ делови од Омаха, Небраска.

Регистрирани се неколку торнада, но најпогодени се северозападните предградија на градот со 485.000 жители.

Националната метеоролошка служба претходно соопшти дека вителот се формирал северно од Вејверли и се движел североисточно нешто по 15 часот.

Торнада беа забележани и во Ајова, Канзас, Вајоминг и Колорадо.

На источната страна на државата се очекува да се развијат други бури, кои ќе донесат повеќе можни торнада и обилни врнежи од дожд.