Роверот „Perseverance“ го сними затемнување на Сонцето на Марс

Постариот „Curiosity“ го инспирирал новиот, уште помоќен ровер „Perseverance“. На пат кон Марс тргнал во јулу 2020-та година, за на неговата површина да се спушти на 18-ти февруари 2021-ва. Многумина биле загрижени, бидејќи слетувањето се опишувало како „ужас од седум минути“. Роверот со големина на просечен автомобил сепак слетал на планетата, во областа на кратерот Езеро, каде многу објекти носат имиња по топоними од нашите простори. Со помош на дупчалка, која е сместена на врвот на роботската рака, роверот би требало да ископа околу 40 примероци и да ги спакува во специјално дизајнирани туби. Се очекува материјалите на Земјата да пристигнат на почетокот на 2031-ва година.

Покрај бушењето и собирањето на примероци, роверот се занимава и со други активности. Така снимил како изгледа затемнувањето на Сонцето набљудувано од Црвената планета, кога природните сателити на оваа планета го покриле Сонцето на почетокот на 2024-та година. Деимос и Фобос на кратко ја затемниле светлината од нашата ѕвезда, а видеата и фотографиите пристигнале до Земјата. Овие два сателити не можат во целост да го покријат Сонцето, но фотографиите се сепак интересни.

„Perseverance“ снимил уште еден интересен настан – моментот кога Меркур ја фрлил својата сенка на Сонцето. Иако ниеден од овие настани не може да се мери со целосното затемнување на Сонцето кое се гледа од Земјата, интересно е дека денес луѓето можат да видат како некои космички настани изгледаат на други планети.