Ова смути е богато со витамини, минерали и антиоксиданти. Освен што помага во постигнувањето на идеална линија, го снабдува вашето тело со неопходните хранливи материи за добро здравје.

Омиленото смути за слабеење на нутриционистката Кристен вклучува спанаќ, шумско овошје, протеински прашок и многу семиња богати со влакна. Ова е многу вкусно и неверојатно хранливо смути кое ќе ви обезбеди добар баланс на протеини, здрави масти и влакна кој ќе ве држи сити долго време.

Една чаша од ова смути содржи 460 калории, 12 гр масти, 529 мг натриум, 37 гр јаглени хидрати, 11 гр влакна и 54 гр протеини.

Потребно е:

•    1 лажица протеин во прав
•    ½ шолја спанаќ
•    1 шолја незасладено млеко од соја
•    ½ мала лажица чија семки
•    ½ мала лажица ленено семе
•    ½ мала лажица семе од коноп
•    1 банана

Подготовка:

Миксирајте ги состојките во блендерот со максимална брзина додека смесата не стане мазна. Густината можете да ја приспособите со додавање повеќе или помалку млеко од соја, по вкус.

Ако сакате посладок вкус, можете да додадете лажичка мед или неколку капки екстракт од стевија.

Зошто ова смути е добро за слабеење?

Ова смути е богато со неопходни минерали, витамини и антиоксиданти, благодарение на состојките како што се спанаќ, шумско овошје, ленено и чија семе. Овие хранливи материи го подобруваат општото здравје и можат да го намалат ризикот од развој на хронични болести. За тие кои сакаат да губат тежина, Кристен препорачува да се посегне по влакната и протеините.

„Двете хранливи материи го зајакнуваат осетот за ситост, што ја спречува потребата за постојано грицкање. Ова смути е полно со влакна кои се важни за варењето, ви помагаат да се осетите сити и ви помага да слабеете на здрав начин. Со бирање на протеинското и млекото од соја, си давате предност да го намалите прекумерниот внес на калории во телото. Покрај тоа семињата од лен и чија се богати извори на алфа линолна киселина, вид на омега-3 масна киселина која е позната по своите антиинфламаторни својства и е добра за здравјето на срцето и правилната функција на мозокот“ – тврди Карли.

Комбинацијата на протеини, влакна и здрави масти во ова смути може да помогне во стабилизацијата на нивото на шеќер во крвта, што е добро за здравјето воопшто, а посебно за луѓето со дијабетес и инсулинска резистенција.