Италијанските археолози наводно наишле на неверојатно откритие во Јонското море, недалеку од југоисточното крајбрежје на Сицилија.
Во истражувањето на подводниот свет учествувале членови од организацијата „Superintendence of the Sea“ и истражувачи од Универзитетот во Наполи.
Во текот на нуркањето, еден од истражувачите наишол на „необичен камен“, а потоа се воодушевил кога сфатил дека пред себе практично има неоштетен борбен шлем.
Се наведува дека истиот бил најден на длабочина од пет метри, како и дека бил покриен со минерали, пренесува „Fox News“.
Се верува дека шлемот бил произведен меѓу доцните 1400 и 1600, познат под називот „cabasset“ или „capacete“, што во превод значи „ибериски стил“.
Recuperato nelle acque di Vendicari, nei pressi di Noto (SR), a circa 5 metri di profondità, un elmo metallico...
Posted by Soprintendenza del Mare on Thursday, March 28, 2024
Еден од нуркачите помогнал шлемот внимателно да се изнесе на површина, а најверојатно истиот првпат бил надвор од вода во последните 600 години.
„Овој вид шлем бил многу распространет меѓу пешадијата од тој период, но го користеле и бродските трупи. Со понатамошна истрага ќе утврдиме дали станува збор за изолиран случај или поголемо наоѓалиште“, изјавиле археолозите.
