Хемоглобинот може да биде низок кај лицата кои имаат недостаток на нутриенти, кај оние кои боледуваат од бубрежни болести и канцер, кај трудници и во текот на менструација.

Поради тоа токму таа група на луѓе, особено жените, многу е важно да консумираат намирници кои изобилуваат со железо. Долготрајното ниско ниво на хемоглобин води до состојба на анемија.

Анемијата е состојба во која лицата немаат доволно црвени крвни зрнца способни да ја пренесат потребната количина кислород во ткивата во телото.

Анемијата вообичаено е болест специфична за себе, настанува од други болести и може да послужи како сигнал дека под површината се кријат многу посериозни проблеми.

Симптоми кои можат да укажат на анемија:

- умор;
- неправилна работа на срцето;
- бледа кожа;
- вртоглавица;
- несвестица;
- мачнини;
- главоболка;
- краток здив;
- болки во градниот кош;
- ладни дланки и стапала.

Лекувањето на анемијата зависи од тоа која е нејзината причина за настанување, но најчесто покрај терапијата со суплементи или некоја друга терапија, лекувањето подразбира воведување разновидна исхрана која е богата со железо, но и други хранливи материи како што е консумирањето на витамин Б12.

Препорачани намирници:

- печурки;
- сушено овошје;
- жолчки;
- риба, особено туна и школки;
- мешунки;
- ротквичка;
- месо – особено пилешко и мисиркино.