(Фото/Видео) Погледнете го обновениот „Cadillac XT4“

Најголемите визуелни измени се однесуваат на предниот дел, со нов браник, изменета маска и дотерани светла. Помали промени има и одзади, а треба да се споменат и новите алуминиумски бандажи од 18 до 20 инчи.

Освежениот модел е 2 милиметри подолг (сега 4.602 мм), а меѓуосовинското растојание останало исто (2.779мм). Ширината останала 1.881 милиметри, но автомобилот сега е повисок за 3 мм (1.637мм).

Во внатрешноста „XT4“ добил заоблен екран кој комбинира дигитална инструмент табла со "инфотеинмент" систем.

Од мотори се споменува само 2.0-литарски четирицилиндарски турбобензинец со „48V mild-hybrid“ технологија, а кој располага со 174 kw/237 коњски сили и 350 Nm.